විපක්ෂ නායක කාර්යාලයේ ධර්ම දේශනව මෙවර හෝමාගම පුරාණ මහා විහාරස්ථානයේ දී

සෑම පුන් පොහෝ දිනකම විපක්ෂ නායක සජිත් ප්‍රේමදාස මහතාගේ උපදෙස් මත සඳහම් පවුර බෞද්ධ සංවිධානයේ සභාපති නීතිඥ සුදත් ජයසුන්දර මහතාගේ අනුග්‍රාහකත්වයෙන් විපක්ෂ නායක කාර්යාලයේ නිලධාරීන් විසින් සංවිධානය කරන ධර්ම දේශනය මෙවර වප් පුරපසළොස්වක පොහෝ දිනය නිමිති කර ගෙන අද දින හෝමාගම පුරාණ මහා විහාරස්ථානයේ දී පැවැත්විණි.

මෙවර ධර්ම දේශනය හෝමාගම පුරාණ මහා විහාරාධිපති පිරිවෙන් අධ්‍යාපන අධ්‍යක්ෂ හේවාගම් කෝරළයේ ප්‍රධාන සංඝනායක පුජ්‍යපාද මාදොවිට වජිරබුද්ධි නාහිමිපාණන්ගේ අනුශාසනය පරිදි අතුරුගිරිය ධම්මධුර භාවනා මධ්‍යස්ථානයේ කෘත්‍යාධිකාරී පූජ්‍ය ගල්නෑවේ සුගතවිහාරි ස්වාමීන් වහන්සේ විසින් සිදු කරනු ලැබීය. මෙම අවස්ථාවට සැදැහැති බෞද්ධ ජනතාව විශාල පිරිසක් එක්විය.